អ្នកប្រើប្រាស់បណ្ដាញសង្គមហ្វេសប៊ុក និង Tik Tok ជាច្រើនកំពុងផ្ទុះការភ្ញាក់ផ្អើលយ៉ាងខ្លាំង បន្ទាប់ពីឃើញវីដេអូតួញយំសោកត្អូញត្អែររកយុត្តិធម៌មួយរបស់តារាចម្រៀង យឿន ពិសី ដែលគេស្គាល់ច្បាស់គឺជាម្ចាស់ពានរង្វាន់ Cambodia’s Got Talent ។

នៅក្នុងវីដេអូនោះ យឿន ពិសី បានយំទឹកភ្នែកហូររហាម តូចចិត្តចាប់តាំងពីក្លាយជាម្ចាស់ពានរង្វាន់ឆ្នាំ ២០១៥ រហូតដល់ឆ្នាំ ២០២១ នេះ មួយឆ្នាំមិនទាន់បានមួយឆាកឡើងច្រៀងដូចតារាចម្រៀងដទៃ ទាំងដែលលោកមិនបានទាមទារតម្លៃខ្លួនរាប់ម៉ឺន រាប់ពាន ឬរាប់រយដុល្លារដូចតារាចម្រៀងផ្សេងទៀតផង ។

ម្ចាស់ពានរូបនេះនិយាយទាំងរលីងរលោងទឹកភ្នែកទៀតថា បើពេលវេលាអាចវិលថយក្រោយបាន យឿន ពិសី សុំមិនជាប់ជាម្ចាស់ជ័យលាភីល្អជាង ព្រោះរាល់ថ្ងៃនេះ លោកដេកឱបតែពានរង្វាន់ ដេកឱបតែឈ្មោះថាម្ចាស់ពាន ប៉ុន្ដែគ្មានតម្លៃទាល់តែសោះ ។ ចង់ជ្រាបកាន់តែច្បាស់ សូមទស្សនាវីដេអូខាងក្រោម ៖